ROXAS CITY – Nagsugod na sa pagbaligya ang mga vendors sang palupok nga nahamtang sa Punta Dulog Market, Pueblo de Panay, Barangay Lawaan, Roxas City.
Suno kay Geovani Mijares, vice president sang firecracker vendor association, nga kahapon nga adlaw, Disyembre 22 sila nagsugod sa pagbaligya sang palupok sa amu nga lugar.
May yara sang kapin 30 ka mga vendors sa amu nga baligyaan.
Aminado si Mijares nga mahina pa sa karon ang bentahanay sang palupok, apang ginalauman sini nga magadamo ang magabakal samtang nagahilapit ang Paskwa kag ilabi na sa Bag-ong tuig.
Nagpasalamat man ini sa alkalde sang syudad, kay City Mayor Ronnie Dadivas sa gihapon nga pagplastar sa ila sa hilway kag komportable nga lugar.
Yari ang presyohanay sang ila mga baligya nga palupok:
Lubentador/triangle 100 pcs. – – 130-150
Trumpelyo – P25 kada bilog
Kwitis – P8 kada bilog
Kwitis nga may silhig P10 tubtob P30
Pasirit – P35 ang binilog
Fountain – P65 tubtob P200
Saturn missile – P280 tubtob P650
Fireworks P550 tubtob P8,500
Happy flower – P10 kada bilog
Lucis – P150 ang binilog
Roman candle P12 kada bilog
Golden spinner – P35 per pack
Victory light – P150 per pack
Hugot man nila nga ginasunod ang pagsulundan sang otoridad sa pagbaligya sang legal nga palupok.
