Hugot nga ginkondena sang Pilipinas ang sang damlag lang nga paglunsyar sang ballistic missiles sang North Korea.
Kaangut sini, nagpanawagan ang PH sa North Korea nga gilayon nga untaton ang ginreport nga paglunsyar sang ballistic missile kag ginpahanumdom nga tumanon ang tanan sini nga internasyonal nga obligasyon lakip na ang UN Security Council Resolutions kag magkomiter sang malinong kag konstruktibo nga dayalogo.
Sa isa ka pahayag, ang Department of Foreign Affairs (DFA) nagsiling nga nga ang kasubong nga provocative actions ang nakaguba sa progreso, kalinong kag kapag-on sa Korean Peninsula kag sa rehiyon sang Indo-Pacific.
Nauna na nga ginreport sang South Korean military nga ang North Korea naglunsyar sang madamo nga short-range ballistic missiles sa nasidlangan nga baybayon, posible sa pagtilaw agud hibaluon ang performance kag kalig-on sang mga projectile para sa pag-eksport.
Suno sa SoKor, ginlunsyar ang mga missiles gikan sa Wonsan, isa ka eastern coastal city sang North Korea sang Mayo 8.
Naglupad ini tubtob sa 800 kilometros antes paman ini nahulog sa kadagatan.
