Balor sang kahalitan nga ginbilin sang sunog sa tatlo ka mga puluy-an sa Sapian, Capiz, nagdangat na sa P42,000

Naglab-ot sa P42,000 ang ginbilin nga kahalitan sang sunog sa tatlo ka mga puluy-an sa Sitio Tabon, Barangay Poblacion, Sapian, Capiz.

Sa interview sang Bombo Radyo kay FO2 Thomas Tomagan, Chief sang Bureau of Fire Protection-Sapian Capiz, iya  ginpahayag nga human sa light materials ang mga puluy-an nga nasunog.

Suno kay Tomagan,  luyuhay ang mga puluy-an sa lugar rason nga madasig nga naglapta ang kalayo.

Sa subong, padayon pa ang imbestigasyon sang katapo sang Bureau of Fire Protection sa gintunaan sang sunog.

Nagpanugyan man ini sa publiko nga siguruhon nga na-check ang electrical connections sang mga puluy-an antes maghalin ukon kung wala sang tawo sa panimalay agud malikawan ang kaangay nga insidente sang sunog.