Naghina ang balor sang piso matapos nga naglab-ot sa P59 ang baylo sang isa ka US dollar kasunod sang ginalauman nga kapaslawan sang pungsod nga malab-ot ang target sang gobyerno.
Suno sa isa ka chief economist, ang paghina sang piso ang kasunod sang ginalauman sang local authorities nga indi na malab-ot pa ang target nga gross domestic product growth para sa subong nga tuig.
Una na nga ginpahayag ni Department of Economy, Planning, and Development (DepDev) Secretary Arsenio Balisacan nga “very unlikely” na sa ekonomiya nga malab-ot pa ang gin-downgrade na nga growth target range nga 5.5% nga nangin 6.5% nga amo ang gin-set sang inter-agency Development Budget Coordination Committee (DBCC).
Kun ang full-year growth ang magnubo pa sa 5.5%, ang tuig 2025 ang magamarka sang third consecutive year nga ang Pilipinas ang nagkabos sa iya sini nga economic target.
