Balor sang sunog nga naglamon sang lima ka mga panimalay sa Barangay Adlawan, Roxas City, nagdangat nasa masobra P137,000

Nagdangat nasa masobra P137,000 ang balor sang sunog nga naglamon sang lima ka mga panimalay sa Barangay Adlawan, Roxas City.

Sa interview sang Bombo Radyo kay Senior Fire Officer 1 Junemar Galve, Chief Public Information Officer sang Bureau of Fire Protection Roxas City, iya ginpahayag nga apat ka puluy-an ang totally burned samtang isa ang partially burned.

Suno kay Galve, padayon pa ang imbestigasyon sang gintunaan sang sunog sa lugar.

Nagpanugyan man siya sa publiko nga siguruhon nga husto ang pag-ayos sang mga appliances sa puluy-an kag i-off ang main switch sa tion nga mag-gwa sa puluy-an agud malikawan ang sunog.