Ginlubong na subong nga adlaw ang mga bangkay sang Overseas Filipino Worker (OFW) sa Kuwait nga si Jenny Alvarado sa Forest Lawn Memorial Park, Rodriguez probinsiya sang Rizal.
Gintambungan sang mga naulila nga pamilya, mga bata kag abyan kaupod na man ang pila ka grupo sang mga OFW’s ang nangin lubong ni Alvarado.
Nagtambong man si Department of Migrant Workers (DMW) Secretary Hans Leo Cacdac para magpakita sang pakiramay sa pamilya ni Alvarado.
Dugang pa, nagpaabot na man sang bulig ang ahensya pinaagi sang burial assistance sa pamilya sang biktima kag dugang nga suporta kag bulig para sa ila pangabuhianan, trabaho kag edukasyon.
Suno naman sa DMW, ginakonsiderar na sang pamunuan sa mga ini ang pagsuspinder sang migrant worker employment sa Kuwait matapos ang nangin pagkamatay ni Alvarado kag sang pila pa ka mga insidente nga ginakalakipan sang mga OFW’s.
Samtang, kaangut naman sini ang magpatuman na sang screening tests kasubong sang psychological screening sa mga employer agud mahibaluan kun sulod sa mga kwalipikasyon ang mga ini bilang amo sang mga OFW.
