Bangkay sang 54-anyos nga lalaki nasapwan patay sa Barangay Dinginan, Roxas City

ROXAS CITY – Bangkay na sang nasapwan ang 54-anyos nga lalaki sa Barangay Dinginan, Roxas City.

Ginkilala ang biktima kay Pepito Beldia alyas “pitong” kag residente sang nasambitan nga lugar.

Sa interview sang Bombo Radyo kay Noli Bendoy pakaduha sang biktima, ginpahayag sini nga takna alas 4:30 sang hapon sang maistorya sini ang biktima sa pilapil malapit sa suba nga magatakod sang iya bakong nga gamit sa pagpangisda.

Dugang pa sini nga nagmuno ang biktima nga nagalingin sini ang ulo kag nagapalaminhod ang abaga.

Ginapatihan nga posible gin-atake sang ginasuprehir nga highblood ang biktima rason nga nahulog ini sa suba kag nalumos.

Yara na sa karon sa isa ka purenarya ang bangkay sang biktima.