Bangkay sang NPA member, na-recover kasunod sang engkwentro batok sa militar sa Guihulngan City, Negros Oriental

Nasapwan ang bangkay sang isa ka miyembro sang Communist Terrorist Group ukon CTG matapos ang engkwentro sa mga tropa sang 62nd Infantry Battalion sa Sitio Calambia, Barangay Trinidad, Guihulngan City, Negros Oriental kahapon, Agosto 17.

Ginkilala ang napatay nga si alyas “Dagohoy,” nga miyembro sang Central Negros 1.

Suno sa report, nasamaran si Nilles sa lima ka minutos nga engkwentro kag ginbayaan sang iya mga kaupdanan sa Sitio Uyangan, Barangay Budlasan, Canlaon City.

Narekober sang mga otoridad ang iya bangkay samtang nagapadayon ang pursuit kag clearing operations.

Narekober man sa lugar ang isa ka M16 rifle, tatlo ka long magazine, mga bala kag personal nga gamit.