PILAR, CAPIZ – Preparado naman ang banwa sang Pilar, Capiz para sa Bagyo Uwan matapos nga ginbatak na ang bilog nga probinsya sa tropical cyclone wind signal no.1.
Sa interview sang Bombo Radyo kay Mayor Arnold Perez, iya ginpahayag nga magapatigayon sang pagsinapol ang iya nga talatapan kaupod ang Pilar Municipal Disaster Risk Reduction and Management Council kag iban pa nga mga ahensya para sa pre-emptive evacuation.
Suno kay Mayor Perez, nakahanda na ang mga evacuation centers nga pagatiniran sang mga maapektuhan sang bagyo ilabi na sa mga coastal areas sang banwa.
Pahayag pa niya, nagalibot ang mga katapo sang iya nga talatapan sa mga kabaranggayan agud nga mahibaluan ang mga dugang pa nga kinahanglanon.
Naghingyo man ang natungdan sa mga pumuluyo sang padayon nga kooperasyon agud nga mahilway ang tanan sa posible kahalitan nga dala sang Bagyo Uwan.
Interviewed by: Bombo Francis Biñas via Zona Libre
