ROXAS CITY – Ginkakibot sang isa ka Barangay Councilor ang iya naabtan sa iya puluy-an matapos ini ginaalegar ginkawatan sa Fuentes Subdivision, Barangay Baybay, Roxas City takna als 9:00 sang aga kahapon Agosto 2.
Ginkilala ang biktima kay Richmond Aliponghan 41-anyos Barangay Councilor kag residente sang Mejorada Subd. Barangay Inzo Arnaldo, Roxas City.
Sandig sa impormasyon nagikan sa Roxas City Component Police Station, takna alas 9:00 sang aga sang nasambit nga petsa sang nagsulod si Aliponghan sa iya puluy-an sang matalapungdan sini nga nagaululukay na ang iya kwarto, kag sa iya pagtsekyar nahibaluan sini nga wala na ang iya 3 ka Airsoft Rifle nga may 5 ka bala kag nagabalor sang P60,000 kung sa diin nahamtang sa toy room.
Ginpahayag nga pinaagi sa pagawasak sang screen sa bintana gamit ang gunting kag pagkakas sang jalousies natigayon nga makasulod ang suspetsado samtang pinaagi naman sa utility door sa higad sang iya puluy-an nakaguha ang wala makilan-an nga kawatan.
Dugang pa sini nga gin-utod sang wala makilan-an nga suspek ang 2 ka CCTV nga yara nahamtang sa mayor nga pirtahan kag utility door.
Sa karun, nagapadayon pa ang imbestigasyon sang mga kapulisan angut sa nasambit nga insidente kag agud matumod na ang wala makilan-an nga kawatan.
