Barangay officials sang Baybay, Roxas City, padayon nga ginaabisohan ang pumuluyo nga mag-aligmat bangud sa malain nga tyempo

Nangin maayo ang preparasyon sang Barangay Baybay, Roxas City, rason nga wala sang mayor nga epekto ang bagyo Basyang kag ang shearline.

Sa interview sang Bombo Radyo kay Punong Barangay Erwin Oroceo, iya ginpahayag nga padayon ang ila pagpanugyan sa mga pumuluyo nga mag-aligmat kag mangin handa sa bisan ano nga tion.

Suno kay Oroceo, kun mabaskog ang hangin kag mamunog ang pag-ulan, gilayon nga gina-abisuhan ang mga pumuluyo nga magbakwit para sa ila seguridad.

Sa subong, isa sa ginalantaw nga solusyon sang barangay sa baha amo ang pagkaayo sang mga drainage system.