ROXAS CITY – Presuhan ang ginsudlan sang isa ka amay matapos nga ginbuking mismo ng kaugalingon nga anak na nagpangawat sang masobra sa 50 ka pares sang sapatos, mga alahas, gadgets kag iban pa.
Nadakpan si Renelet Daban Avelino sa iya nga puluy-an sa Barangay 5, Roxas City sa entrapment operation sang mga otoridad
Nahibaluan nga nagdangup sa Roxas City Police Station ang tag-iya sang Ukay-ukay nga si Maria Junet Pernito kag nagsugid nga ginkawat ni Avelino ang mga baligya sini nga sapatos.
Sang nagpatigayon sang operasyon ang mga pulis ila nasugata ang lima ka tuig nga bata sang suspek sa diin ginpabugal pa sang bata ang madamo nga sapatos nga dala sang iya amay
Apang nakita ang kasubo sa nawong sang bata bangud wala ni isa ka sapatos nga nakaigo sa iya tiil.
Bangud sa nabatian sa bata, gilayon nga ginsulod sang mga otoridad ang balay sang suspek kag sa ila pagpang-ukay sa sulod sang balay, nakita diri ang mga alahas, sapatos, gadget kag ilimnon.
