ROXAS CITY – Gintaasan ang bayad sa puwesto ukon renta sang mga vendors partikular sa mga nagabaligya kakanin sa merkado publiko sa banwa sang Sigma.
Ini ang ginpahayag ni Nanay Aneia Flores, kakanin vendor sang mainterview sang Bombo Radyo.
Suno diri, gintaasan sang munisipyo sang Sigma ang ila renta kun sa diin ginapabayad sila sang P30 kada adlaw, apang ginhinyo nila nga mga kakanin vendors kun mahimo buhinan ini kag himuon nalang nga P20 bangud daku na ini nga kantidad para sa ila, kag gintugutan naman ini sang LGU Sigma.
Apang ginpahayag sang vendor nga kun absent ginapabayad sa gihapon sila kag kun indi makabayad, igahalin sila kag ihatag sa iban ang ila puwesto.
Ginahinyu ni nanay kag sang iban pa nga vendors nga kuhaon ini nga patakaran bangud kumpleto man sila sa dokumento kasubong sang business permit kag wala sila nakahibalo kun san-o sila iguon sang balatian.
