ROXAS CITY – Nakahanda ang pamunuan sang Bureau of Fire Protection sa syudad sang Roxas kag probinsiya sang Capiz kasunod sang pagsaulog sang Christmas kag New Year’s day para sa tuig 2021.
Ini ang ginpahayag ni Senior Inspector Rowell Llena Limjuco, acting city fire marshall sang BFP-Roxas City Fire Station sang mainterview sang Bombo Radyo.
Suno kay Limjuco nga epektibo nga mangin maidid nga monitoring sang talatapan, pagrekorida nga nagapahanumdum sa publiko sa ila paghalong sa sunog ilabi na sa adlaw sang pagsug-alaw sang Bag-ong Tuig 2021.
Nagapatigayon man sang inspeksyon sa mga stalls nga nagabaligya sang mga palupok, agud masiguro nga indi makabaligya sang ginadumilian nga mga firecrackers ang mga vendors.
Ginpahanumdum man sini ang publiko angut sa hugot nga pagdumili sa pagpalupok sang mga firecrackers sa lugar nga wala nakapasar sa pag-inspeksyon sang mga otoridad.
