Nagsabat na ang Kapuso actress-beauty queen nga si Bianca Manalo nahanungod sa ginaistoryahan nga smack kiss nila sang boyfriend nga si Sen. Win Gatchalian, sa background sang laragway ni anay senador kag bag-o nga Department of Education (DepEd) Secretary Sonny Angara.
Sa Instagram post ni Angara, ginpakigbahin sini ang laragway kun sa diin naispatan ang magkahagugma nga nagahalukanay.
Apisar madamo ang ginkilig, madamo man ang nagsiling nga wala dapat ini gina-tolerate sa sulod sang senado.
Para naman kay Angara, wala sang malain sa ginhimo sang duwa kag wala sang ginlapas nga layi.
Ginpakigbahin naman ni Bianca ang laragway sa iya Instagram post, kaupod pa ang iban nga laragway nga kuha samtang yara ini sa senado.
“First time to visit @stgatchalian74 at the Senate floor today. They were saying their thank yous and goodbyes to Senator, now our DepEd Secretary @sonnyangara ” pahayag ni Bianca.
