Bihag sang mga Hamas naluwas sang mga Israel military

Naluwas na sang Israel Military ang 52-anyos nga hostage nga hawid sang Hamas sumugod pa sadtong Oktubre 7 sang nakaligad.

Sa ginhiwat nga operasyon sa southern Gaza ang ila naluwas si Kaid Farhan Al-Qadi isa ka Bedouin Israel citizen.

Nakita ini sang mga suldado sang Israel sa isa ka tunnel sa southern Gaza.

Gindala na ini gilayon sa hospital para sa ila nga medical check-ups.

Nakita ang lokasyon ni Al-Qadi pamaagi sa nakalap nila nga intelligence.

Wala suno sila naga-untat para dalayon nga makita ang mga ginahamtangan sang mga bihag sang Hamas.