Nagpaguwa na sang statement ang BINI member nga si Aiah Arceta may kaangtanan sa isyu sang personal space kag privacy.
Matandaan nga matapos ang ila three-day solo concert, nagguwa ang isa ka video clip kun sa diin makit-an nga hinali nga gindamhagan si Aiah sang isa ka lalaki sa isa ka bar.
Sa latest Instagram story ni Aiah kahapon, Hulyo 7, ginpahayag sini nga apisar nasadyahan siya nga makigkita kag makapa-picture sa iban nga tawo, nagalaum ini nga kun tani nakit-an man sang iban nga sila sang iya kagrupo ang isa man ka tawo nga kinahanglan respetuhon.
Nagpanugyan si Aiah nga pilion mangin maayo ang kada tinaga nga ihambal kag ang hulag ilabi na sa kalibutan sang social media.
Una na nga naghinyo ang Star Magic head nga si Direk Lauren Dyogi nga irespeto ang personal space kag privacy sang kada BINI members.
