Ginpahayag sang Bureau of Internal Revenue (BIR) sang Huwebes nga handa sila nga magpatigayon sang imbestigasyon batuk sa sin-o man nga indibidwal, lakip na ang negosyante nga si Charlie “Atong” Ang, kun may yara sang credible nga impormasyon tuhoy sa posible nga paglapas sa buhis.
Suno kay BIR Commissioner Romeo Lumagui Jr., wala pa sang may nabaton nga opisyal nga pangabay ang ahensya gikan sa iban nga opisina agud imbestigahan ang mga negosyo ni Ang, apang ginpasalig sini nga wala sang may ma-sanction kon may bastante nga basehan ang mga staff.
Ini ang pahayag sa ginpatigayon nga press briefing sa Department of Justice (DOJ), kasunod sang mga alegasyon batok kay Ang may kaangtanan sa pagkadula sang mga sabangero.
Gin-akusaran si Ang nga nag-mastermind sa insidente sang iya anay kabulig nga si Julie Patidongan nga karon isa na ka whistleblower.
Hugot nga ginpanginwala ni Ang ang mga alegasyon.
Sang nagligad nga semana, ginpasaka ang pormal nga reklamo sa kaso nga multiple murder kag serious illegal detention batok kay Ang, pila ka mga katapo sang ginatawag nga Alpha Group, kag pila ka mga personnel sang Philippine National Police (PNP).
