-- ADVERTISEMENT --
Ginbalik na sang Bureau of Internal Revenue (BIR) ang koleksyon sang excise tax sa liquified petroleum gas (LPG) kag kerosene.
Ini matapos nga temporaryo nga ginsuspende sang bulang sang Abril agud mahagan-hagan ang gastos sang mga Pilipino bangud sang pagsaka kag pagbag-o-bag-o sang presyo sang langis sa kalibutan.
Apang bangud nagpanubo na ang average nga presyo sang Dubai crude oil sang Hunyo sa $79.45 kada bariles, mas nubo sa $80 nga limitasyon suno sa Executive Order No. 114-2026.
Sa amo nga pagpatuman, magabayad na liwat sang P3.00 kada kilo nga excise tax sa LPG kag P5.00 kada litro sa kerosene suno sa TRAIN Law kag National Internal Revenue Code.
