BIR kag DOF, nag-issue sang guidelines sa pagsuspende sang excise tax sa LPG kag Kerosene

MANILA, Philippines – Nagpagwa sang implementing guidelines ang Bureau of Internal Revenue (BIR), kag Department of Finance (DOF), para sa temporaryo nga pagsuspinde sang excise tax sa LPG kag kerosene.

Ang amo nga Executive Order No.114 nga pirmado ni President Ferdinand Marcos Jr., agud mapahagan-hagan ang epekto sang mataas nga presyo sang gatong.

Suno sa suspension magasugod ini subong Abril 17, 2026 kag magalawig sang tatlo ka bulan.

Gin-athag nga may mga limitasyon sa paggamit sang mga covered products, lakip na ang LPG kag kerosene para sa partikular nga paggamit.

Nahibaluan nga kinahanglan nga magsumiter sang regular nga report sa Kongreso ang Bureau of Internal Revenue (BIR), kag ang Bureau of Customs angut sa pagpatuman sini.