Kumpiyansa ang Bureau of Internal Revenue nga ila malab-ot ang billion pesos nga surplus revenue collection sang ahensya para sa tuig 2024.
Sa isa ka pahayag, ginsiling ni BIR Commissioner Romeo Lumagui nga ginalauman sang ila nga departament nga makaangkon sang binilyon nga surplus sa koleksyon sini para sa tinalikdan nga tuig.
Ini matapos ang pagpatigayon sang final reconciliation kag ang resulta sini ang nakatalana naman nga ipaguwa sa una nga semana sang Pebrero subong nga tuig 2025.
Suno kay Lumagui, ang binilyon nga surplus sa ila nga revenue collection ang nagakahulugan lamang nga mas gamay ang utang nga kinahanglan kolektahon sang gobyerno agud mapabilin ang budget subong nga tuig.
Pahayag pa sini nga makabig man ini nga kadalag-an para sa mga pumuluyo nga Pilipino kag sa mga masunod pa nga henerasyon bangud mapanubli nila ang gamay nga utang sang gobyerno.
Una na nga gin-report ni Commissioner Lumagui ang masobra P2.848 trilyon nga collection goal nga nalab-ot na sang BIR.
