Roxas City – Kanselado na ang biyahe sang sakayan pandagat sa Banica wharf padulong sa Masbate kag isla sang Olotoyan bangud sa malain nga panahon ukon low pressure area.
Ini ang ginpahayag ni Philippine Coast Guard-Roxas Senior Chief Petty Officer Adan Ayopela sang mainterview sang Bombo Radyo Roxas.
Suno kay Ayopela nga nagalibot sila sa mga coastal barangays sa siyudad kag mga kabanwahanan kag ginpahanumdom ang mga mangingisda nga likawan anay ang magpalawud bangud sa dalagkuan nga mga balod sa kadagatan.
Nakahanda man ang mga floating assets ukon sakayan pandagat sang PCG-Roxas sa tion nga may yara sang kinahanglan nga i-rescue.
Padayon naman ang monitoring sang PCG sa mga coastal areas.
Sa karon, nagapanawagan si Ayopela sa mga mangingisda kag mga pasahero nga magpamati sa mga abiso kag panugyan sang ila talatapan.
