ROXAS CITY – Ginkumpirmar sang chairman sang Committee on Finance and Appropriations sang Sangguniang Panlalawigan nga nabaton na nila ang unofficial amended Annual Investment Program (AIP) 2020.
Ini ang ginpahayag ni Board Member Jonathan “Sonny” Besa sang ma-interview sang Bombo Radyo Roxas.
Suno kay Besa nga wala pa sini na-tsekyar ang ginsumiter nga unofficial amended AIP 2020 matapos nga ginkoreksyunan na sang Provincial Engineering Office (PEO).
Sa inisyal nga pagtsekyar ni Besa, nagaguha nga nakoreksyunan na ang mga duplication sang kapin 26 ka mga proyekto nga yara sa listahan sang 20% development fund sang AIP 2020.
Nagaguha nga 25 diri ang may yara sang double funding gikan sa internal sources kag external funding.
Sa pagtsekyar ni Besa may yara sang P250 milyones nga gin-nubo sa amended AIP.
Indi pa makapaguha sang komento sa karon si Besa kun kumbinsido sila sa ginsumiter nga unofficial amended AIP 2020 sang PEO.
Plano ni Besa nga magpatawag sang committee meeting sa Biyernes agud mahibaluan ang reaksyon sang kaupdanan nga mga board members.
