ROXAS CITY -Natalana nga magpatawag sang Committee Hearing ang Chairman sang Committee on Transportation and Public Utilities sang Sanggguniang Panlalawigan angut SA ginpadala nga petisyon sang Capiz Tricycle Operators, Drivers and Commuters Alliance (CTODCA) nga nagapamatuk sa duha ka mga ordinansa nga ginpapasar sang Sangguniang Panlungsod sa pagbiyahe sang mga tricyclesa syudad sa idalum sang general community quarantine.
Ginpahayag ni Board Member Jonathan Sonny Besa nga magapatawag ini sang committee hearing sa maabot nga miyerkules agud mahinalaan ang ginpadala nga petisyon sang CTODCA angut sa pagpamatuk sa pagpasaka sang pamasahe kag paglimita sa biyahe sang mga tricycle sa syudad.
Aminado si Besa nga mabudlay sa mga tricycle nga malimitahan ang pagbiyahe sa pihak nga ginpasakaan na ang pamasahe.
Imbitado man sa natalana nga committee hearing ang city government agud mahinala-an kag matun-an ang petisyon sang grupo.
Gindugang pa ni Besa nga ginplanuhan sini nga i-suhestyon nga himuon nga tatlo ka beses nga makabiyahe ang mga tricycle drivers sa sulod sang isa ka semana.
Magluwas dra, natalana man nga imbitaran ang mga katapo sang Techincal Education and Skills Development Authority (TESDA) sa hinyo nga subsidiya sang mga tricycle drivers kag operators.
