-- ADVERTISEMENT --
Matumal man apang sa gihapon maayo man ang baligyaanay sang lechon sa karon sa isa ka sikat nga lechonan sa Km1, Roxas City.
Sa interview sang Bombo Radyo kay Amelita Dela Cruz, tag-iya sang Lechonan sa nasambit nga lugar, ginpahayag sini nga apisar namahalan ang mga manugbakal sang lechon, sa gihapon nagabakal ang mga ini matigayon lang nga magka-lechon sa ila handaan ukon selebrasyon.
Dugang pa ni Amelita nga sa karon ang presyohanay sang lechon sa 1 kilo gadalagan ini sa P900.00 – P1,000.00.
Nagikan pa sa nagkalain-lain nga lugar ang mga nagapangayaw nga manugbakal sa lechonan ni nanay Amelita kag bantug ini bilang manug-lechon sa syudad.
Sa karon, madamo na nga nagapa-book sa mga ini para sa palaabuton nga holiday season.
-- ADVERTISEMENT --
