Roxas City – Isa ka maayo nga lihok ang pagpatuman sang boundary kag municipality checkpoint sa tagsa ka mga lugar nga may kaso sang African Swine Fever (ASF).
Sa interview sang Bombo Radyo kay Dr. Leonel Abordo Provincial Veterinarian sang ma-interview sang Bombo Radyo.
Suno kay Abordo, wala sang bulong kag bakuna batuk sa ASF gani ipabilin sa gihapon nga maghalong kag likawan nga magbakal sang buhi ukon karne sang baboy ilabi na sa mga lugar nga may kaso sang sakit kag sa guha sang probinsya,
Apisar indi makatuga sang sakit sa ika-ayong lawas ang ASF, indi magpakampante nga magbakal sang mga ginatan-ay nga manubo nga presyo sang baboy ilabi na ang nagikan sa probinsya sang Iloilo.
Mahibaluan nga nakabalhag ang probinsya sang kaso sang ASF sa tatlo ka mga kabarangayan sa tatlo man ka kabanwahanan kaparehas sang Maayon, Dumarao kag Pilar.
Ginpahayag man sang Provincial Veterinarian nga padayon ang ila pagpatigayon sang disinfection sa mga apektado nga lugar agud matapna kag malikawan nga maglapta ang nasambit nga sakit sa iban nga lugar.
Sa pihak nga bahin, nagpalab-ot man sang pahayag si Abordo angut sa mensahe ni President Ferdinand Bongbong Marcos Jr., nga untaton na ang backyard hog raising.
Para kay Abordo, posible may yara na-obserbahan ang Presidente rason nga luyag sini pa-untaton ang nasambit nga palangabuy-anan sang mga Pilipino.
Mahimo ini nga implemantar apang suno diri, kinahanglan sa mga syudad lamang kag indi sa mga nabukid nga lugar.
Dugang pa sini nga 92 tubtob 93 porsyento nga baboyan ang ginakuhaan sang pagpangabuy-an sang mga Pilipino ilabi na sa mga probinsya.
