Nagpirma sang Memorandum of Agreement ang Bombo Radyo Roxas kag katapo sang Bureau of Fire Protection-Roxas kag Philippine Coast Guard-Capiz para sa Dugong Bombo 2025.
Sa interview sang Bombo Radyo kay Fire Chief Inspector Arden Bedoña, Acting City Fire Marshal Roxas City Fire Station, iya full support ang ila nga talatapan sa sini nga kahiwatan bagud sa daku nga bulig sa oras sang emerhensya.
Suno kay Fire Chief Inspector Bedoña, ang bastante nga blood bank ang importante gid bangud sa kadamu sang mga tawo nga nagakinahnglan sang dugo agud nga masugpunan ang ila sini nga kabuhi.
Sa interview naman sang Bombo Radyo kay Captain Crisanto Anas, Acting Station Commander, Coast Guard Station Capiz, iya ginpahayag nga naga-upod gid ang tanan nga katapo sang ila talatapan sa ini nga kahiwatan.
Suno kay Captain Anas, ang pagdonar sang dugo ang isa ka gamay nga sakripisyo agud nga makabulig kag makasalbar sang kabuhi sang tawo.
Interviewed by: Bombo Sunnie Mae Batencila via Bombohanay sa Udto
