Magapadayon ang mga programa sang Bureau of Jail Management and Penology- Roxas City para sa Persons Deprived with Liberty (PDL) samtang nagahilapit ang bag-ong tuig.
Sa interview sang Bombo Radyo kay Jail Superintendent Julius Cesar Chavez, iya ginpahayag nga sa palaabuton nga bag-ong tuig, pagatugutan nila ang liwat nga pagbisita sang pamilya sa mga Persons Deprived with Liberty (PDL) agud nga makaupod nila sa pagsug-alaw sang tuig 2026.
Suno kay Jail Superintendent Chavez, magluwas sa mga cash gift, may yara man sang ginadihon nga programa kaupod ang local government unit kun sa diin pagahatagan sang livelihood ang pila ka mga Persons Deprived with Liberty (PDL) sa ila sini nga pagguwa sa presohan.
Pahayag pa niya, tungod sini nga programa, mas nagamag-an ang pamatyag sang mga PDL bangud sang ila pamilya nga nagasuporta sa ila.
Nagpasalig man ang natungdan nga magapadayon ang ila nga pagserbisyo kag maayo nga pagtratar sang mga Persons Deprived with Liberty (PDL) sa sulod sang ila talatapan
