Buwaya, ginpakaslan sang Mayor bilang parte sang tradisyon

Ginpakaslan sang alkalde ang isa ka buwaya bilang kabahin sang tradisyon sa Oaxaca, Mexico.

Kaangay sang mga ginakasal, ang bride nga buwaya ang nakasuksok man sang all-white kag ginhalokan ni Mayor Daniel Gutierrez.

Masobra 200 ka tuig na ini nga tradisyon nga nagasimbolo sa koneksyon sang mga tawo kag sapat.

Sa wedding ritual, ginakaig si mayor groom bilang hari sang ethnic group nga Chontal, samtang ang buwaya naman ang prinsesa sang mga Huave.

Ang pag-upod ni mayor kag sang buwaya ang ginapatihan nga magadala sang bugana nga ani kag hulik sa dagat.