Epektibo na ang pagpatuman sang Bureau of Internal Revenue (BIR) sang withholding tax requirement para sa mga online sellers nga naga-negosyo sa mga marketplaces online.
Suno kay BIR Commissioner Romeo D. Lumagui Jr., wala na sang igahatag pa nga extension sa mga online merchant nga magsunod sa bag-o nga sistema sang nasambit nga buwis.
Paathag ni Lumagui, sumugod Hulyo 15, 2024, ipatuman na sang mga Electronic Marketplace Operators ang Withholding Tax sa mga sellers kag merchant.
Nakasaad sa Revenue Regulations No. 16-2023 nga ang katunga sang gross remittances sang e-marketplace operations kag digital financial services providers sa mga sellers ukon merchants’ para sa goods ukon services nga igabayad sa ila nga platfrom ang mangin subject sa 1% creditable withholding tax.
