ROXAS CITY, CAPIZ- Nagpakigbahin sa Brigada Eskwela 2025 ang Capiz Electric Cooperative, Inc. sa probinsya sang Capiz.
Sa interview sang Bombo Radyo kay Engineer Edgar Diaz, General Manager sang Capiz Electric Cooperative, Inc., ginpahayag nga gin-assist kag gin check nila ang tagsa ka mga electrical wirings kag electrical connections sang tagsa ka mga buluthuan sa probinsya.
Dugang pa sini, katuyuan nila nga mapabilin ang seguridad sang pareho mga estudyante kag mga manunudlo sa sulod sang tagsa ka mga buluthuan.
Nahibaluan, nga liwat ini nila nga gin-chekyar subong nga Brigada Eskwela bangud una nila nga gin-assist ini sang nagahilapit ang Election 2025 nga kaangut sa direktiba nga ginpatuman sang ila nga head kun sa diin suno kay Diaz, natapos naman nila tanan.
Samtang, mensahe ni Diaz sa mga pumuluyo sang Capiz, ilabi na sa mga kunsumidor sang kuryente, welcome gid ini sila suno sa iya kun magpa-assist may kaangtanan sa seguridad sang electrical connections agud malikawan ang kun ano man nga sahi sang insidente ang magtuga bangud sang kuryente.
With a report from Bombo Sunnie Mae Batencila
