Wala sang sala ang Capelco kag indi dapat pagbasulon ang Capelco sa tatlo ka asud asod nga brownout nga nahinabo sa syudad sang Roxas sang damlag lang.
Ini ang pagdepensa ni Engr. Edgar Diaz, General Manager sang Capiz Electric Cooperative angut sa nabaton nga pagbasol sang mga kunsumidor nga wala nagustuhan ang magkasunod nga power interruption.
Ginpahayag ni Engr. Diaz, kun may balasulon, wala sang liwan kundi ang mga personnel sang National Grid Corporation of the Philippines (NGCP) nga wala ginakaayo ang ila trabaho sa area of coverage.
Una nga nakabaton sang sulat gikan sa NGCP ang Capelco angut sa patigayunon nga repair.
Ginsundan ini sang gab-I sang amo nga adlaw kag nadugangan sang isa pa ka sulat angut sa pagpatigayon sang repair ang mga personnel sang NGCP.
Ginapanindugan ni Diaz nga indi fair nga basulon ang Capelco sa tatlo ka magkasunod nga brown out, bangud yara ang kapaltahan sa mga personnel sang NGCP nga nagpakita nga inefficient sila sa ila trabaho.
Kuntani ila gintsekyar ang ginarepair kun dalayon na ini nga nakaayo agud nalikawan ang sunod sunod nga brownout.
Nahibaluan nga ginreklamo man sang Capelco ang indi maayo nga pagtrabaho kag kasubong nga pagpabaya sang mga personnel sang NGCP.
Samtang ginapa-explikar na sang head office sa Visayas area sang NGCP ang mga personnel angut sa natabo nga serye sang power interruption sa area nga sakup sang Capelco.
