ROXAS CITY – Ginpahayag sang tagdumalahan sang Capiz Electric Cooperative nga preparado na ang ila hubon, sa tion nga magpanalasa si bagyong Odette sa probinsya sang Capiz.
Suno kay Engr. Edgar Diaz, nga full tank na ang ila mga salakyan kag preparado naman ang ila mga personnel sa posible 24-oras nga pagbantay sa mga linya sang kuryente kag poste sa probinsya.
Dugang pa sini, nga kapin 90 porsyento na sa mga poste sa Capiz ang ila natigayon nga ma-islan sumugod sang nagligad nga bulan.
Paalinton ni Diaz sa mga pumuluyo nga magpahibalo sa ila talatapan kun may mga poste nga posible matumba bangud sang mabaskog nga hangin.
Magluwas pa diri, nga sa tion nga may matumba nga poste, likawan nga tandugon ini kag itugyan sa mga personnel sang Capelco, agud malikawan ang pagkakuryente.
