ROXAS CITY – Nagpatigayon sang Public hearing ang Capiz Environment and Natural Resources Office ukon CAPENRO sa mga pumuluyo kag mga opisyales sang Barangay Acbo Sigma Capiz.
Ini ang gintambongan ni Governor Esteban Evan Contreras, Provincial Administrator Dr. Edwin Chinel Monares, Vicente Los Bañez, Section Chief sang Solid Waste Management DENR- EMB Region 6, Mayor Christopher Andaya sang Sigma kag mga miyembro sang Sangguniang Bayan.
Sa nasambit nga sinapol ginpresentar ang tanan nga plano sang probinsya nga pagbakal sang duta sa pamilya Ponsaran kag ang planu diri nga pagpaubra sang Solid Waste Management ukon Eco-park para sa maayo nga pagproseso sang mga basura.
Ginklaro man diri nga indi sang Sanitary Landfill ang igapatukod sa ila baranggay kapareho sang ila pagpati.
Ginpasalig naman sang gobernador nga siya mismo ang una nga magapamatok sa Landfill nga ipahamtang sa nasambit nga barangay.
Gindugang naman ni Los Bañez nga sila sa talatapan sang DENR ang magabantay kag magapasara sa amu nga proyekto kun indi masunod ang insakto nga proseso sang basura.
