Wala sang ginapili apin ukon kontra basta makalapas sa laye sa palibot ginadakup kag ginamultahan sang CAPENRO.
Ini ang matigdas nga panindugan ni Atty. Emilyn Depon, pinuno sang CAPENRO angut sa mga alegasyon nga indi patas ang talatapan sa pagpangdakup sa mga nagapatigayon sang quarry operation
Ginpahayag ni Depon nga wala sang kamatuoran nga ginapili lamang nila ang ila ginadakup.
Madamo nga mga insidente nga may gindakup sila nga nagapatigayon sang quarry operation nga wala sang permit sa pila ka mga banwa nga wala nabatian sa radyo .
Iban nga mga ginadakup ang nagahipos lamang bangud ila nahibaluan nga may nalapas sila nga laye, apang may iban nga nagareklamo bangud indi nila mabaton nga subong indi na sila makapagusto.
Ginklaro pa sang opisyal nga katuyuan man kuntani sini nga mapasanyog ang awareness sang publiko angut sa laye nga nagahatag proteksyon sa palibot.
Samtang agud mabuligan ang task force nga naga-monitor sa nagapatigayon sang quarry operation ukon pagguba sa dunang manggad kag palibot, may mga indibidwal na sila nga ginpaidalum sa training.
Apang sa banwa pa lamang sang Maayon may yara sang deputized team ang task force sang CAPENRO matapos ila na natapos ang training.
Sa pihak nga bahin, magapatigayon sang Provincial Arbor Day sa Hunyo 25, 2021.
Makaangkon sang symbolic opening ang One Million Kahoy project sa Barangay Tuburan sa banwa sang Maayon.
