ROXAS CITY -Magapabilin sa idalum sang Modified General Community Quarantine ukon MGCQ ang probinsiya sang Capiz epektibo subong nga adlaw.
Ini ang ginkompirmar ni Capiz Governor Esteban Evan Nonoy Contreras sang mainterview sang Bombo Radyo.
Ginpahayag ni Contreras nga ginkasugtan sang Provincial Inter-Agency Task Force nga magapabilin sa MGCQ ang probinsiya kasunod sang padayon nga pagsaka sang kaso sang COVID-19.
Apang ginpasalig ni Contreras nga may yara ini nga idugang nga pagsulundan sa pag akomodar sang mga nagapalauli nga mga Locally Stranded Individuals kag mga Returning Overseas Filipinos sa probinsiya.
Suno sa kay Contreras nga kinahanglan nga may yara sang mga quarantine facilities ang mga kabaranggayan kag mga kabanwahanan para sa mga nagapalauli nga mga LSIs kag ROFs sa probinsiya.
Gindugang pa sini nga ang mga symptomatic nga mga LSIs, ROFs, kag mga suspected cases nga nagpositibo sa RT-PCR test kag Rapid Test ang mahimo nga dal-on sa Roxas Memorial Provincial Hospital.
Gin-athag man ni Contreras nga magapabilin ang pagpatuman sang curfew kag special curfew hour sa mga senior citizens kag mga menor de edad sa probinsiya.
