Capiz, makabaton sang P50 million nga Presidential Financial Assistance

CAPIZ – Makabaton ang probinsya sang Capiz sang ₱50 million nga Presidential Financial Assistance agud makabulig sa recovery kag rebuilding efforts matapos ang halit nga dala sang Bagyo Tino.

Ang cash assistance ang kabahin sang ₱760 million total assistance nga ihatag ni President Ferdinand Marcos Jr. sa nagkalain-lain nga probinsya kag syudad nga tuman nga naapektuhan sang nasambit nga bagyo.

Magluwas sa Capiz, ang iban nga probinsya kaangay sang Cebu, Iloilo, Bohol, Surigao del Norte, kag Negros Occidental ang makabaton man sang tag ₱50 million kada isa.