Naka-full alert na ang Capiz Maritime Police Station agud masiguro ang kalinong kag kaluwasan sang publiko sa nagahilapit nga Semana Santa 2026.
Sa interview sang Bombo Radyo kay Police Captain Semdan Sitchon, Chief sang Maritime Command Roxas City, iya ginpahayag nga hugot ang ila pag-monitor sa mga baybayon kag pantalan bangud ginalauman nga magadamo ang mga nagabiyahe kag turista sa sini nga tion.
Suno sa iya, may yara sila sang igapahamtang nga Maritime Police assistance desk agud maka-provide sang madasig nga pagresponde sa tion nga may magluntad nga mga insidente.
Pahayag pa niya, preparado man ang ila mga katapo para sa dugang nga pagbantay kag gilayon nga pagresponde sa ano man nga insidente sa kadagatan.
Gin-engganyo man sang natungdan ang publiko nga maghalong sa ila pagbiyahe, sundon ang guidelines, kag magkooperar sa mga otoridad agud malikawan ang anuman nga sahi sang insidente.
