Capiz PHO, nagpanawagan sa mga Capizeño nga mangin mahinalungon sa mga ginakaon sa parties kag gatherings

CAPIZ – Nagapanawagan ang Capiz Provincial Health Office sa mga Capizeño nga mangin mahinalungon sa mga ginakaon sa parties kag gatherings subong nga Holiday season.

Sa interview sang Bombo Radyo kay Provincial Health Officer II Dr. Alex Nolasco, iya ginpahayag nga indi dapat mag-overeat bangud possible ini nga tunaan sang pagsakit sang tyan.

Suno kay Dr. Nolasco, madamo sang tawo ang nagamasakit sa tion sang holidays bangud sa mamantika, maasin ukon matam-is nga pagkaon kag kun kaisa, bangud sa wala matinloan sang maayo ang pagkaon.

Gina-remind man sang natungdan ang publiko nga may balatian kaangay sang diabetes kag high blood pressure nga sundon ang abiso sang doctor kag indi gid magkaon sang mga ginadumilian nga pagkaon.