ROXAS CITY – Nagapati ang pamunuan sang Capiz Police Provincial Office (CPPO) nga malab-ot sang mga kapulisan sa probinsiya ang target nga Body Mass Index (BMI) sandig sa requirements sang Philippine National Police (PNP).
Ini ang ginpahayag ni CPPO Director P/Col. Julio Gustilo Jr. sang mainterview sang Bombo Radyo.
Suno kay Gustilo nga masako na liwat ang ila pagpatigayon sang mga fitness exercises para sa mga overweight nga mga kapulisan.
Matandaan nga temporaryo ini nga ginpaiway sang ginpaidalom sa Enhanced Community Quarantine (ECQ) sadto ang probinsiya.
Sa karon suno sa opisyal, may serye sang mga aktibidad para sa mga kapulisan agud maibanan ang ila nga timbang.
Matandaan nga ginbalik ang strikto nga pag-require sang normal nga BMI sa mga police recruit antes kuhaon ang mga ini bilang miyembro sang PNP kag mangin sa mga kapulisan nga yara na sa serbisyo.
Ginmanduan naman ang National Police Training Institute (NPTI) nga i-require ang mga police recruits nga i-maintain ang ila BMI antes sila nga mag graduate sa police training.
Mahibaluan nga sa BMI mahibaluan kun ang tawo ang may normal weight, overweight ukon obese.
