ROXAS CITY – Nagapanawagan sang kooperasyon ang mga katapo sang Capiz Police Provincial Office sa mga pumuluyo sa palaabuton nga holiday season kag bag-ong tuig nga magsunod sa mga pagsulundan sang kapulisan, ilabi na sa mga may hinuptan nga iligal nga armas-luthang.
Ini ang may kaangtanan sa implementasyon sang “Ligtas Paskuhan 2021” sang Capiz PPO sa idalom sang pagpamuno ni Pol. Col. Laudemer Llaneta.
Sa interview sang Bombo Radyo kay PMaj. Ruby Magallanes, tagpamaba sang Capiz PPO, suno diri nga indi nila pag i-tolerar ang iligal nga buluhaton sang mga bentahoso nga indibidwal nga magapalupok sang ila armas-luthang sa adlaw sang Paskwa kag Bag-ong tuig.
Dugang pa diri ang pagbaligya ukon pagbakal sang mga ginabawal nga palupok.
Matandaan nga ginapagbwala ang mga palupok kaangay sang lolo thunder, piccolo, giant bawang, giant whistle bomb, atomic bomb, super lolo, pla-pla, five-star, pop-pop, watusi, atomic triangle, Goobye Bading, large size Judas belt, Goobye Philippines, Goodbye De Lima, Bin Laden, Hello Columbia, Goodbye Napoles, Motehr rockets, Coke-in-can, Super Yolanda, Pillbox, Boga, Kwiton kag Kabasi.
Paalinton ni Magallanes nga kun may ginahuptan nga indi lisensyado nga armas luthang, mas maayo nga iturn-over ukon i-surrender na ina sa mga otoridad, bangud indi mag duha-duha nga magpasaka sang kaso ang mga otoridad batuk sa ila.
