Naka-secure sang P1-billion loan ang Capiz Provincial Government sa Land Bank of the Philippines agud pondohan ang mga major infrastructure projects nga may katuyoan nga ma-improve ang public services kag mapasangkad ang local development.
Ang loan agreement ang pormal nga ginpirmahan sang Marso 24 sa Office of the Governor sa Provincial Capitol.
Disyembre 2025 may ginpatigayon nga public hearing agud mapahibalo sa mga residente kun paano gamiton ang pondo.
Ang P1-billion loan ang ipain sa apat ka mga major projects;
*Kabug-osan nga P350 million ang para sa renovation kag rehabilitation sang Villareal Stadium. Lakip diri ang construction sang bag-o nga bleachers, dormitory sang mga atleta, kag kiosks sang mga manugbaligya agud ma-transport ang stadium sa isa ka community hub.
*May yara man sang P250 million nga ipain para sa completion sang Roxas Memorial Provincial Hospital sa Barangay Lanot kag ini ang i-upgrade nga mangin Capiz Medical Center nga may 500-bed capacity. Ang proyekto may katuyoan nga ma-improve ang access sa quality healthcare services sa probinsya.
*P300 million naman ang ipain para sa expansion sang bag-o nga Provincial Capitol grounds, lakip na ang acquisition sang dugang nga three hectares sang duta. Ang area ang ginalantaw nga butangan sang “Agora de Capiz,” isa ka public space nga naga-feature sang 3D walkable topographical map nga gin-desinyo agud ma-promote ang turismo.
*Ang nabilin nga P100 million ang gamiton para sa procurement sang modern equipment kag teknolohiya para sa bag-o nga kapitolyo agud ma-enhance ang operational efficiency kag service delivery.
Nahibaluan nga ang loan agreement ang gin-authorize sang Sangguniang Panlalawigan kasunod sang formal request ni Governor Fredenil Castro.
Ginasiguro naman sang Capiz Government nga financially capable sila nga bayadan ang loan, sa diin wala man sang utang subong ang gobyerno probinsyal.
