Padayon ang pag-monitor sang Capiz Provincial Risk Reduction and Management Unit (PDRRMU) sa mga kahalitan nga gindala sang Bagyo Tino sa probinsya sang Capiz.
Sa interview sang Bombo Radyo kay Atty. Shiela Artillero, head sang Capiz Provincial Risk Reduction and Management Unit (PDRRMU), iya ginahayag nga may yara na sang 49,401 ka mga pamilya ukon 153,300 ka mga indibidwal ang nag evacuate.
Suno kay Atty. Artillero, may pila ka mga dalan kag uma ang ginbaha bangud sa pag-ulan nga dala sang Bagyo Tino.
Pahayag pa niya, nagalibot na ang mga katapo sang Capiz Provincial Risk Reduction and Management Unit (PDRRMU) agud mag-assess sang kahalitan nga dala sang nasambit nga bagyo.
Samtang, kabahin man ang ila nga talatapan sa ‘Task Force: Pagdumdom’ sang provincial government nga nagakadto sa mga apektado nga lugar agud maghatag sang foodpacks.
Dugang pa niya, may yara sang isa ka casualty nga tuga sang Bagyo Tino apang ini ang ginapaidalum pa sa validation.
Nagpanawagan man ang natungdan sa padayon nga kooperasyon sang tanan nga pumuluyo sang probinsya sang Capiz agud mangin hilway sa anuman nga klase sang insidente nga tuga sang kalamidad.
Interviewed by: Bombo Francis Biñas via Bombohanay sa udto
