ROXAS CITY – Nagpangayo sang pasylo ang pinuno sang Provincial Tourism and Cultural Affairs Office (PTCAO) sa delayed nga presentasyon sang PyroMusical Competition nga isa sa mga ginbantayan sang kadam-an sang gab-i sang Grand opening sang Capiztahan 2023.
Sa interview sang Bombo Radyo kay Mr. Alphonsus “Al” Tesoro, PTCAO head aminado ini nga na-underestimate nila ang oras sa paghiwat sang amo nga aktibidad.
Suno diri nga alas-8 sang gab-i gid dapat ang schedule para sa fireworks display pagkatapos sang Maragtas sang Capisnon Cultural Dance Show apang bangud sa ulihi nga pag-abot sang parade kag floats sa performance ground dala sang pila ka mga wala ginlauman nga mga gaps nga natabo, rason nga nahimo alas 11:45 sang gab-i ang presentasyon.
Naghinyo naman ini sang disiplina sa mga tumalan-aw nga ihaboy sa insakto nga halabuyan ang ila basura bangud may mga ginpahamtang man ang mga ini nga basurahan sa palibot.
Mahibaluan nga gindagsa sang mga tawo ang Techno Park sa Pueblo de Panay, Barangay Lawaan, Roxas City para saksihan ang Maragtas sang Capisnon Cultural Dance Show kag Pyro Musical Competion nga naghatag naman sang kasadya sa kadam-an, apang ginkadismaya naman san iban bangud sa angay New Year’s eve nga Fireworks display kag mga basura nga naglapta.
Capiz Tourism Head, nagpangayo sang pasaylo sa delayed nga fireworks display
-- ADVERTISEMENT --
