ROXAS CITY – Ginkumpirmar sang tagpamaba sang Archdiocese of Capiz nga kanselado na ang pagpadulong ni His Eminence Jose Cardinal Advincula Jr., sa Rome, Italy.
Suno kay Rev. Fr. Jose Arturo Emilio Arbatin Jr., nga bangud sa padayon nga pagsaka sang numero sang COVID-19 sa pungsod Italy, ginpakamaayo nga ikanselar ang pagpadulong ni Cardinal Advincula sa nasambit nga pungsod.
Suno kay Arbatin nga indi makatambong si Cardinal Advincula sa patigayunon nga seremonya sa maabot nga Nobyembre 26 kun sa diin magatililipon ang 13 ka mga bag-o nga Cardinal kag pormal magabaton sang “red hat” nga nagasimbolo sa pagbaton sang responsibilidad bilang isa ka bag-o nga Cardinal.
Dugang pa ni Arbatin nga madayon sa gihapon ang nasambit ang pagtililipon apisar nga indi makatambong si Cardinal Advincula.
