CAMARINES SUR – Isa ka cargo ship ang nagbunggo sa manabaw nga kadagatan malapit sa baybayon sang Barangay Matandang Siruma, San Miguel Bay, Camarines Sur sang Agosto 7 suno sa Philippine Coast Guard (PCG).
Suno sa report sang Coast Guard District Bicol, safe kag yara na sa maayo nga kondisyon ang 13 ka mga Filipino seafarers nga crew sang LCT Golden Phoenix nga nagadala sang construction materials.
Suno sa PCG, mabaskog nga balod kag hangin ang gintunaan sang insidente.
Gilayon nga nagresponde ang Coast Guard kag nagkoordinar sa lokal nga gobyerno. Apang naatrasar ang inisyal nga inspection sang barko bangud sa malain nga kondisyon sang panahon.
Wala naman sang narekord nga oil spill, apang padayon ang monitoring sang PCG sa lugar agud malikawan ang posible polusyon sang kadagatan.
