Panibag-o na naman nga tensyon ang nagluntad malapit sa Strait of Hormuz matapos gin-agaw sang mga armado nga grupo ang isa ka barko nga nakaangkla sa baybayon sang United Arab Emirates kag gindala sa Iran.
Suno sa report, may naglugdang man nga isa ka cargo ship malapit sa Oman matapos ini gin-atake kahapon suno sa mga otoridad.
Wala pa matumod kun sin-o ang yara sa likod sang mga insidente apang kadungan ini sang pahayag sang pila ka mga opisyal sang Iran nga may kontrol sila sa Strait of Hormuz kag sila ang may gahum nga magkumpiska sang mga oil tanker nga konektado sa Estados Unidos ang Amerika.
Bangud diri, liwat nga laauman ang global economy kag pagsaka sang presyo sabg gatong.
Samtang, ginpaathag man sang Estados Unidos ang Amerika kag China nga dapat magpabilin nga bukas ang Strait of Hormuz agud malikawan ang paglala sang krisis sa rehiyon.
