Matapos magdaug sang duha ka bulawan nga medalya sa 2024 Paris Olympics, nagbalik sa kompetisyon si Carlos Yulo kag nag-angkon sang bronze medal sa men’s individual all-around event sang 2025 Asian Men’s Artistic Gymnastics Championships sang Huwebes sa Jecheon, South Korea.
Si Yulo naka-iskor sang kabug-usan nga 83.633 agud mangin ikatlo sa likod nanday Oka Shinnosuke (85.134) kag Hasegawa Tsuyoshi (83.967) sang Japan nga nagdaug sang bulawan kag pilak nga medalya, sa nasambit nga kahiwatan.
Magluwas kay Yulo, magapaindis-indis man sa torneo sanday Juancho Miguel Besana, John Ivan Cruz, Justine Ace De Leon, kag Jhon Romeo Santillan nga magalawig tubtob sa Domingo.
Sa 2024 nga edisyon sang Asian championships, gindala ni Yulo ang apat ka bulawan nga medalya gikan sa indibidwal nga all-around, floor exercise, vault, kag parallel bars nga mga hitabo
