-- ADVERTISEMENT --
Ginakabig sang mga Public Utility Jeepney (PUJ) drivers nga daku nga bulig sa ila pagpanagabuhi ang cash relief halin sa Department of Social Welfare and Development.
Sa interview sang Bombo Radyo kay Conrado G. Mariano Jr., driver sang modernized jeep nga may byahe nga Iloilo City–Roxas City vice versa, iya ginpahayag nga nalipay ini sa nabaton nga cash relief assistance.
Suno kay Mariano, gamiton niya ang nabaton nga cash para sa mga kinahanglanon sa ila panimalay.
Nagapanawagan man ini sa gobyerno nga kun mahimu indi ini one-time cash assistance agud nga makabulig sa ila pang adlaw-adlaw nga galastuhan.
