Naka-score sang knockout victory si John Riel Casimero batuk kay Saul Sanchez sa una nga round pa lamang sa hampang sini sa Japan.
Bag-o pa man ang naagom nga kadalag-an, nagpangatubang ang nasambit nga boksingero pag-abot sini sa iya nga bug-at.
Duha ka beses ini nga nagsobra sa limit ang timbang ni Casimero bag-o pa man ini nagsabak sa match kontra kay Sanchez.
Bangud na man sa rules sang Japan Boxing Commission, ginpasugtan sa pangtatlo ka kahigayunan si Casimero nga liwat nga magka weigh-in bag-o ini magbalik sa hampang nga kun sa diin diri, nakasulod na sa limit ang timbang kag nahatagan na ini sang clearance nga makatapak sa boxing ring.
Wala na nag-usik pa sang oras ang boxer kag gintapos gilayon ang pag-sumpunganay nila sang kontra ini sa una nga round pa lamang.
Samtang, ang kadalag-an sini ang nakapasanyog sa karera sini bilang isa ka boksingero nga kun sa diin may nnapagkit ini nga record nga 34 wins, 4 loses kag 1 draw nga kun sa diin 23 sa mga nakuha nga kadalag-an via knockout.
